Donostiako Jazzaldia urtero uztailaren hirugarren astean Donostian egiten den jazz-jaialdia da. Donostiako Jazzaldia 1966an sortu zen. Espainiako jazz-jaialdi zaharrena da eta Europako zaharrenetako bat.

Jazzaldiak doako eta ordainpeko ehun bat kontzertu antolatzen ditu Donostiako hamabi eszenatokitan, bai estaliak bai aire zabalekoak. Zurriola hondartzan eta Kursaaleko terrazetan egiten diren kontzertuak bereziki jendetsuak izan ohi dira.

Badira urteak Jazzaldiak artista grafiko entzutetsuekin kolaboratzen duela jaialdiko kartelak sortzeko. Haien sormen-lanak, urtero, Jazzaldia aberasten laguntzen du. Horrez gain, azkenaldian, teknologia berriak (Web3) esploratzeko eta publikoari zein zaleei aukera berriak eskaintzeko interesa agertu du Jazzaldiak, eta sortutako kartelen NFTak igortzea erabaki du.