Pilota Fandom bildumak pilota kirolari eskainitako 18 kromo ditu, bilduman kirol honen diziplina ezberdinak erakutsiz. Kromo bakoitzak serie bat (kirolariak, baloreak, frontoiak) eta familia bat (kirolariaren kromoa, balore bat eta konfiantzazko frontoia) ditu.

Kromo hau, zehazki, baloreak seriekoa eta Mikel Mancisidor (Horia) familiakoa da.

Frontoiko ezker paretan pilotak utzitako kolpe guztiak ikusten dira. Gero eta arrasto gehiago izan orduan eta miresmen handiagoa sentitzen dut frontoiarekiko. Zenbat partidu jokatu ote dira hemen? Zenbat pilotakada denera? Konta al daitezke tanto guztiak? Eta bi pareta, airez eta dejadaz egindakoak? Zenbat aldiz erori dira pilotariak? Eta zenbatek izan dute altxatzen lagundu dien eskua?