Pilota Fandom publiko gaztearekin konektatzeko asmoz eta Ane Zufiaurre Seijo (Irun, 1996) ilustratzaile lokalaren laguntzari esker, artea eta teknologia berriak uztartu dira 18 kromo digitaleko bilduma paregabea sortzeko eta kirola inoiz ikusi ez den moduan erakusteko. Bilduma hiru kategoria nagusitan banatuta dago (pilotaren baloreak, pilotariak eta frontoiak), eta diziplina eta kirolari sorta zabala eskaintzen du, Zufiaurreren estilo bisualaren bidez.

Gainera, kolore ezberdinekin ikus daiteke kirolarien inguruan osatutako hainbat familia daudela, baloreekin eta konfiantzazko frontoiekin batera. Eta pizgarri gehigarria da, bilduma osatzean, ezusteko bat hartzeko aukera dagoela sari berezi gisa: bilduma osoa irudikatzen duen beste kromo bat. Azkenik, ez hori bakarrik, gogoratu behar da Pilota Fandomeko kromo bakoitza erostean, bildutako diruaren zati bat Gipuzkoako Pilota Federazioari bideratuko zaiola.