Ane Zufiaurre Seijo (Irun, 1996) ilustratzailea da. Lehenbiziko hitza esan aurretik, papera eta arkatza eskuan zuela hasi zen marrazten. Aurrerago, ikasketak zirela-eta, zientzia eta artea uztartu nahian, ilustrazio zientifikoan murgildu zen. Zufiaurrek bisuala den oro dibulgatzeko tresna ezinbestekoa dela uste du; betiere, testua lagun duelarik. Hartara, egun, ondarea ardatz duen Bideari proiektua garatzen eta arlo editorialean kolaboratzen dihardu.